香香露底線 茍姑娘晒橙皮

昨日三大女神岑麗香、苟芸慧與吳千語聯同黃宗澤出席ESTEE LAUDER舉行的全新Advanced Night Repair失眠肌膚拯救隊啟動禮，雖然三女坐下時都不慎露底走光，但岑麗香身穿低胸貼身裙露事業線，加上與緋聞男友黃宗澤同場，搶盡密實千語及虎背兼露橙皮紋的苟芸慧風頭，成為全場焦點。

按摩玉手冇心跳

香香表示今次是二人傳緋聞後首次同台出席商業活動，問她會否感到尷尬時，她說：「冇，大家冇乜嘢，只係拍劇用劇照去報道就傳緋聞，我當佢係哥哥，佢當我妹妹！」黃宗澤亦幫口說：「有乜尷尬？係朋友。」至於情侶檔上陣會否獲更高酬勞？香香否認：「冇，我哋係哥哥同妹妹。」黃宗澤即搞笑說：「唔好令人覺得我老咗！」

苟姑娘大晒玉背，驚現橙皮紋。

香香與緋聞男友黃宗澤拍住接job，廣收宣傳之效。

活動期間，黃宗澤在香香的手背上搽上修護露及按摩玉手，問香香有否心跳感覺？她不假思索說沒有，黃宗澤抵死地說：「冇（心跳）就死啦！」場面搞笑！香香坦言一齊拍劇便預料到會傳緋聞，她認為感情事是神安排，不怕因緋聞而嚇走追求者。

吳千語密密實實，相形失色。

黃宗澤為免惹非議，拒為身旁的模特兒戴襟花。

調理身體再減磅

至於穿上大露背裙的苟芸慧被指玉背魁梧，她稱裙子是大會安排，對於減肥未見成效？她死撐說：「健康係最緊要，中醫係人都知比較慢，要調理身體先慢慢減！（有報道話你畀郭富城、梁烈唯、鄭嘉穎飛甩，搞到體重急升、失眠兼經期唔準？）得啖笑，我哋冇拍拖點會被人飛。」

另外，岑麗香、黃宗澤、古明華及陳嘉佳（細細粒）等前晚出席無綫新劇《貓屎媽媽》煞科，香香稱拍攝時自己最多NG，幸得台前幕後照顧，問到是否黃宗澤教她最多？她承認：「正常，好似大哥哥笑我口音，笑完都會幫番我。」

文：名人組