君如生日 唔再八卦做媒
藝人吳君如昨日出席時裝品牌秋冬慈善企劃發布會，今日（2日）生日的她表示，因為老公陳可辛不在港故不會有慶祝活動：「叫佢返香港都要度期o架，我諗都係同個女食餐飯就瞓。」她指陳可辛為人沒有驚喜，相信今年亦不例外。問到生日願望，君如笑言希望女兒不再駁嘴做「頂心杉」。
對於早前被指在生日派對上介紹古天樂和陳妍希認識，問到今年若搞派對會否分兩日搞？君如笑說：「個男嘅叫我唔好多事，仲敢咩？陳妍希年輕貌美唔慌冇人追，唔使我介紹啦，唔想八卦多事。」她又說早前在新加坡拍戲，與家人旅行充電，她說：「年紀大咗想多啲時間陪家人，親情好重要。」