松岡 姜麗文 大方合照

林德信（Alex）出道以來緋聞多多，繼多次被拍到跟日模松岡李那約會後，又被拍得與姜麗文（Lesley）行街shopping，昨日他的兩位緋聞女友首次於公開活動中同場擔任嘉賓，兩女在台上台下雖然沒有特別交流，但亦沒有刻意避對方，還大方合照。

否認與Fred拍拖

當記者問Lesley是否跟另一緋聞男友鄭俊弘（Fred）拍拖時，她誤以為問及前緋聞男友Alex，指雙方是很close的朋友，當她得知是說Fred時，就說：「我同Fred都係好好朋友，但唔係拍拖，佢係我best friend。」

松岡李那烏身玩遊戲玩得十分投入。

傅嘉莉性感現身，令人眼前一亮。

對於有傳是公司不想Fred公開戀情，Lesley說未有聽聞。對於之前兩人被拍到拖手以及她為Fred抹汗，Lesley說：「係角度問題，我唔會咁高調做呢啲嘢。」她大讚Fred是好男仔，兩人有否發展可能？她說：「我哋係好兄弟嘅感覺，冇諗拍拖。」

傅嘉莉覺甩難

同場的傅嘉莉對於有份演出的劇集《衝上雲霄II》收視報捷十分開心，感覺像中獎般。對於緋聞男友吳卓羲（Ron）早前指她製造兩人的緋聞谷劇，她說：「我唔覺得佢咁講有欠風度，總之拍呢部劇好大壓力。（壓力來自Ron？）各方面，自己以後出席公開活動講嘢會小心啲同伶俐啲，唔好引起誤會。（Ron話以前、現在、將來都冇同你拍拖？）就算其他男仔咁講我都會唔開心，但另一方面睇，一天光晒，係好事！」她又強調一直沒有說過兩人拍拖。

另外，前日松岡出席完動漫節活動後，在一名fans陪同下現身銅鑼灣街頭，戴牛仔帽的松岡裝扮甚為搶眼，兩人到便利店買魚蛋及飲品，然後進入附近一間大廈內醫肚。

文：名人組