蕭正楠幫祥仔座駕「驗屍」

阮兆祥等人步出門口後便步行往街頭取車，其間蕭正楠對祥仔的平治房車甚有興趣，見他一副「恨」樣邊摸邊睇，由車頭(目及)到車尾後，再如驗屍般烏低身研究車門一番，祥仔見狀亦懶得理，只顧着與陳展鵬及女友人傾偈。當蕭正楠睇個夠後便與他們道別，與其中一名女友人步往附近停車場取車，祥仔則獨自駕車返歸。