陳嘉桓床戰智叔壓力大
藝人陳嘉桓昨日出席apm商場「小飛俠‧阿童木電視動畫放送50周年祭」活動，她表示從小就喜歡小飛俠，喜歡看到這位卡通人物發放正能量，她說：「做藝人壓力好大，總有唔開心時候，我一唔開心就畫畫，最近畫咗10幾幅。（好唔開心？）係壓力大，我之前拍《販賣‧愛》有場同智叔（廖啟智）嘅大膽床戲，我要露背，覺得壓力好大。（同後生仔拍好啲？）咁又唔係，我係擔心拍得我唔夠靚，效果出來唔好。」
對近期有o靚模言行出位，陳嘉桓表示：「都唔知用乜嘢說話嚟形容好，我都係從報刊睇到有人罵戰，但o靚模寫真同報紙出嘅相，前後判若兩人。」