學友執衫 寵壞「公主」
歌神張學友昨日現身電台，獲DJ送上潮語書，見到「公主病」三字，學友竟自認「寵壞」兩個愛女，連開洗衣機都不懂，要幫女兒「執手尾」，慨嘆是廿四孝老竇，自作自受。
學友為演唱會DVD出席新城電台訪問，現場兩位DJ特別給學友送上一籃健康食品及一本潮語書，讓學友學會潮語和女兒溝通，學友亦懂一些簡單潮語如「O嘴」和「河蟹」。當看到其中一頁「公主病」時，學友即抵死笑說：「呢個我知。」
唔識開洗衣機
事後學友坦言「公主病」在香港有好多，因生育率少，家長又少時間陪伴，見到不少孩子因而被寵壞，而對兩個女兒，學友承認：「我都有份去縱，我都係唔啱。」他覺得應該要識得煮飯、洗衫和洗碗，卻是統統都不會。問到女兒識開洗衣機？學友坦言：「唔識啦，仲丟到成地衫，我要幫佢執。（叫佢自己執？）我夜返屋企，佢哋都瞓晒覺，唔通叫醒佢咩，都係我自作自受。」
有灌輸性教育
至於早前被拍到他為老婆和兩女兒管接送，問到大女兒張瑤華快13歲，可會抗拒老竇接放學？學友則言：「暫時又未喎。（你想睇個女有冇男仔接放學？）唔係，如果係都唔揸自己車去啦。」學友稱不介意女兒拍拖，只怕她會傷心。他亦有灌輸性教育，笑言：「我五十歲阿爸阿媽都冇同我講過，否則都唔會咁容易生咗個女啦。」
文：音樂組