官恩娜（Ella）前日出席迷你音樂會，吸引近百歌迷捧場。Ella受訪時自爆遭途人請食檸檬的瘀事：「去到一個地方諗住打畀同事嚟接我，點知電話冇電，企咗喺條街成半個鐘，最後問男途人借電話，點知對方唔肯借。（佢認得你？）應該認得。」
食檸檬的Ella惟有向另一途人埋手，她說：「當我問第二個男途人借電話時，第一個途人竟然耍手叫佢唔好借，仲用好厭棄眼神望住我。不過第二個都有借畀我，原來係我去錯地方。（第一次食檸檬？）都係，可能佢以為拍緊整蠱節目。」
