單身城城晒技 挑戰無極限

郭富城昨日出席澳門全球最大型及最震撼之水上匯演，在水舞間劇院舉辦的「澳門新濠天地《水舞間》昂然邁向三周年」活動，城城由「舞台王者」搖身一變成「水舞王者」，為慶祝九月踏入三周年而舉行的探索體驗營主持啟動儀式。揸慣跑車的他改揸電單車上陣，在台上圍繞兩周大晒技術，城城更是首位登上劇院親身體驗水舞間精彩項目的明星，認真威水！

向藝術總監拜師

城城在台上自爆未有電單車車牌，皆因他是個廿四孝乖仔，一切聽從「城媽」話，事後他接受訪問說：「媽咪話危險唔畀我揸，咁我好錫媽咪，一定要聽話。（有買保險？）應該有嘅，動作都係好簡單。」他指已有三年沒有騎電單車，幸好現場有特技專家教路，不過城城坦言開車前有擔心炒車：「平時好易揸，今日嗰架比較大馬力，都驚唔小心架車會打觔斗。不過我有叫特技表演者有機會就教我，佢都應承咗。」他又指曾有贊助商送上新鐵騎，放在家中猶如室內展覽，最後因空間有限而改泊停車場。

左起：劉世龍、陸璐、褚嘉琦、郭富城、郭燕陵、楊礎瑜、陳婉兒主持啟動儀式。

城城表示想拜藝術總監為師，學多一技傍身。

而最令城城大開眼界是水舞間的以逾20億元打造的世界級舞台，出名對演唱會舞台甚有要求的城城更趁機參考，揚言要拜其藝術總監Franco Dragone為師：「我自己演唱會個舞台都係1億，水舞間係我20倍。我好想九月返嚟認識藝術總監，想拜佢為師，同埋返嚟同全場90位表演者合作。」

城城對這個面具很感興趣。

城城參觀《水舞間》的道具。

最愛人體水晶燈

主意多多的他更笑言要將自家演唱會與水舞間來個歷史性合作，他說：「想搞個水舞間Vs舞臨盛宴演唱會。（你身價好貴？）貴就梗係o架啦，我想挑戰自己，舞台方面想有突破，例如電單車飛越25米高空、25米高台跳水。」數到城城最愛的節目是水舞間的《人體水晶燈》，他更幻想成為燈中主角玩濕身：「睇吓有冇機會喺燈入面唱歌做主角，唱完『揼』一聲跳落水！」

談完工作大計之後，當提到近日傳內地女模葉熙祺「人肉速遞」上門攻「城」，城城對於新緋聞卻三緘其口：「唔回應啦！」問到是否認識對方及可覺借自己上位？城城說：「對於呢個報道上嘅嘢都唔回應！」