Jeana不屑：我冇咁嘅喜好
張暖雅一向言行出位，在圈中經常辣火頭。o靚模何佩瑜（Jeana）曾與張暖雅合作電影《一路向西》而鬧不和，當她得悉對方裸照外洩時，竟暗指張暖雅自己將裸照放上網：「我都有影藝術相，不過已經放落寫真集同人分享，好多朋友都畀錢去買，大家都好支持我，但我自己就冇興趣將啲相擺上網。（暗示佢自己放上網？）呢個就唔知，但我一定唔會咁做！」問覺不覺張暖雅拍裸照愚蠢？她說：「我平時都會將生活照放上網，其他就唔會啦！本身冇咁嘅喜好，但其他人我就唔知喇！」
王晶女兒王子涵曾指張暖雅亂闖派對而開火，她亦語帶雙關表示：「如果我仲答咪好戇居？不過我冇睇過啲相，就唔方便評論，可能人哋覺得影得好靚呢！（你知唔知佢結過婚？）周圍都好多人結過婚，又離埋婚添！依家香港離婚率咁高，有乜咁出奇。」
