張暖雅全裸照外洩：我唔係做雞！

擁有34D豪乳的Angelina，一直憑「乳不驚人誓不休」的作風成功上位，自去年連拍《喜愛夜蒲2》及《一路向西》電影後，人氣愈勁愈惹是非，多次被傳是整勻全身的「複製人」及私生活不檢點。早前她炮轟前經理人公司「不公平待遇」要解約後，堅持「性感無限，三點不露」的她，昨日終被人360度起底上載全裸照。

未「進化」前拍攝

昨日網上瘋傳17張Angelina「裸命照」，相中全身赤裸的她長髮披肩，在床上擺出海棠春睡、抱胸趷籮的誘人甫士，另外還有一輯沖涼相，最「吸睛」之作乃一張下體全濕的大特寫。不過相中的她身材及樣貌跟現時明顯有別，似未「再度進化」前所拍攝。但憑其古銅膚色及腰間的「比翼雙飛」紋身，可認出她就是Angelina。

現時身處上海拍新片《猛龍特囧》的Angelina，對於裸照曝光大感愕然：「吓！喺網上？我睇唔到喎，可唔可以形容吓係點？係咪我自己一個？」當記者詳細告知，她大方地說：「OK，係我！呢輯相喺2009年影，嗰時我仲係細路女，由好出名嘅香港攝影師朋友影嘅。我光明正大，啲相又影得唔醜，做得出，唔怕認，係藝術相。」問可擔心裸照被人聯想不道德交易？Angelina理直氣壯得差點發誓謂：「我喺山東某大學畢業，修讀英文系，係優異生，英文好叻。我咁高學歷，使乜做雞？如果我做雞，我唔使做artist咁辛苦。我今日嘅成功係自己靠每一步努力而累積，如果做雞，我使乜嚟香港咁辛苦？使乜要搭港鐵呀？」

返香港開記者會

問裸照為何在網上流出？Angelina以肯定口脗說：「係前經理人，啲相得我、前經理人同攝影師有，但我諗攝影師應該冇keep呢啲相。我剛簽約前經理人前，我認有影裸照，仲交咗畀佢半年。（你有證據？）使乜證據呀？」提到她和前經理人公司的「恩怨」，對於其公司指她由出道至今，只為公司賺約40萬而非她所說的100萬，又指她曾私下接工作違反合約，她嬲到爆粗解釋：「佢個冚××！我唔識用廣東話形容佢！我有證據幫公司賺錢，我要返香港開記者會，你問佢（前經理人）夠唔夠膽同我當面對質？」說畢即激動至泣不成聲，她再說：「我喊唔係因為裸照，係因為覺得好委屈，因為佢由始至終都冇幫過我，佢只幫其他女藝人。」

Angelina前經理人公司發言人昨接受電話訪問，對於她堅稱為公司賺100萬及否認私下接工作，發言人表示：「公司會計部有稅單有資料，我有證據，公道自在人心。」他又稱不會和Angelina對質：「佢癲啫，我唔會陪佢癲。」同時亦否認公開裸照，並反問：「咁佢有冇證據呀？」

文：音樂組