松岡谷書受阻 趙勁皓拱橋攞威

松岡李那及女子組合Girls Kingdom等，昨日現身「2013第十五屆香港動漫電玩節」，松岡更宣傳自己的漫畫，又即場獻唱一曲《跟我來》，獲過百粉絲支持，但她之前的宣傳活動卻遭取消，事後松岡受訪，其好友王友良代答指收到主辦單位通知，所有藝人不可在攤位行和做宣傳，以免引起混亂，他說：「兩年前都可以宣傳o架。」

幫蒼井空解畫

其後記者指男模趙勁皓剛在攤位完成宣傳活動，松岡即說：「Why？點解？點解？我都好想睇自己本漫畫。」對於漫畫中的公仔有兩撇鬚，與緋聞男友林德信相似，松岡甜笑說：「都係呀。（請林德信到場？）冇呀，可能佢好忙。」對於日本女優蒼井空經理人言論惹風波，松岡說：「其實大家都受歡迎，但山口百惠同蒼井空係唔同類別嘅藝人，唔可以比較。」松岡一度不小心把早前「活捉蒼井空」的說法誤以為是中國人支持她的意思，要王友良糾正。

中川翔子希望與成龍合唱。

趙勁皓在攤位脫去上衣玩拱橋。

趙勁皓昨在攤位宣傳健身電玩遊戲，期間脫去上衣騷肌肉玩拱橋和掌上壓。對於松岡活動被取消，他說：「唔知佢同我個活動性質有乜唔同，只知我順利完成咗。」

Dempagumi.inc眾成員覺得香港有很多宅男，但她們好鍾意。

松岡李那昨日宣傳自己的漫畫。

勁皓冧劉老闆

而趙勁皓又透露有心儀對象：「佢係圈內新人，拍電影，細過我，我鍾意冇乜身材。（叫乜名？）同我個英文名頭一個字母一樣（K）。佢好清純，會送自己本寫真畀佢。」問會否令劉老闆失望？他說：「唔會，佢喺北京，原本想我、Dominic同顧又銘同佢見面，但就唔到時間，有上網同佢傾偈。佢係正常男人，對我有好感，唔排除做好朋友。」

另外，日本歌手中川翔子昨亦在動漫節搞握手會，她說稍後在香港開個唱會唱廣東歌，而香港模特兒中她只識Angelababy，還希望與成龍合唱。日本六人女子組合Dempagumi.inc則任開幕表演嘉賓，但獻唱和舞蹈表現一般。

採訪：名人組、影視組