陳嘉桓孖蔚雨芯出成人寫真

「魔鬼胸」蔚雨芯、Ana R.及陳嘉桓首次合作，為代言的健康纖體食品品牌行健堂拍攝廣告，三人不時相約老闆娘Amy分享瘦身經，以及品嘗代言的新產品「4321」。蔚雨芯透露拍攝廣告時因不熟水性，即使泳池相當淺水仍大叫怕怕，她笑說︰「我之前唔識游水，都幾驚o架！仲要得我一個拍落水鏡頭，好在有好多工作人員喺現場監察住，老闆娘Amy亦陪我曬足成日，令我冇咁驚，拍完廣告後我仲決心去學游水。」

Ana R.寸o靚模冇用心

三人中只有蔚雨芯推出寫真集晒索爆身材，陳嘉桓笑言希望下年出書，又打趣表示三人可以齊齊去影相集，陳嘉桓說︰「都有諗過出書，但未係時間，之前有同老闆娘Amy講，組團去法國拍廣告時順道影埋。」Ana與蔚雨芯聞言相當興奮，問她會以甚麼作為賣點？陳嘉桓說︰「我想好似鍾嘉欣咁sell健康同開朗性格，不過今年太趕，下年21歲，係真正大人先會考慮出書。」此外，她又即場向老闆娘送上小禮物，感謝對方對她的支持。

原本不熟水性的蔚雨芯拍畢廣告後克服這個難題，笑言可相約Ana及陳嘉桓去享受陽光與海灘。

陳嘉桓（左起）、Ana、老闆娘以及蔚雨芯大談瘦身經分享心得外，又品嘗瘦身飲品。

至於模界前輩Ana直言若出相集要有主題及認真製作，暗寸一班o靚模的寫真無水準，她大讚蔚雨芯的寫真有用心去做，有主題效果又靚，問會否指點一班後輩？Ana說︰「如果行騷會指導一下行騷技巧，但唔會刻意去教點擺甫士，因為大家唔同年齡層，想sell嘅賣點同主題唔同，當然我非常樂意同蔚雨芯、陳嘉桓分享自己做模特兒嘅心得。」

文︰專案組

攝︰司徒國榮

場地︰Zummer

陳嘉桓

服裝︰zeuz.com

化妝︰Wendy Lee＠Wendy's Workshop

髮型︰Linfa＠L COLPO PLATINU

蔚雨芯

髮型︰Joey hui＠Hair Culture

化妝︰Kerry＠ZING the makeup school

Ana R.

髮型︰Herman Lai（Pi4.com.hk）