譚晴手術後偷走博一鋪
藝人譚晴近月忙於排練舞台劇，不過日前他突然感屁股位劇痛，如廁更出現「爆缸」情況，在忍痛三日後終要看醫生，經檢查後發現病情嚴重，要即入院接受手術，仍留院的他昨日接受電話訪問時表示：「醫生話係細菌感染，感染個位好近肛門，唔做手術唔得，依家日日洗傷口，真係痛到趴喺度。」他每日要除褲露股給護士洗傷口，可感尷尬？他笑住說：「護士好專業，唔會尷尬，但我就真係好尷尬囉。」
舞台劇將於今晚開鑼，問他可因病情而辭演？譚晴稱醫生要求他留院一星期，但舞台劇不可失場，故手術後翌日，他已「偷走」離院跟劇組綵排，雖然傷口現仍隱隱作痛，但他會小心避免大動作，相信應問題不大，不過到今晚正式公映時，他就要「博一鋪」，望在完場前不會出現「血案」，他謂：「其實我個角色係要跳舞o架，希望傷口可以頂得順，唔好爆啦。」