麥家瑜站穩舞台靠Eason
歌手麥家瑜（Keeva）視陳奕迅（Eason）為偶像，2008年出道的她有幸任Eason演唱會嘉賓，興奮又緊張。最令Keeva難忘，莫過於與偶像綵排時的趣事。她說：「記得綵排期間，Eason突然喺我唱歌嗰陣，踎低捉住我對高踭鞋，叫我唔好郁，原來佢知我唱歌時企唔定，所以就用呢個方法教我點企喺個舞台。」
最近推出第二張專輯的Keeva坦言歌曲雖然有不少失戀元素，不過自己的失戀次數不太多。她說：「好多失戀嘅朋友都打電話畀我，每次聽完佢哋嘅故事，我都有得着。所以聽埋好多愛情故事，就放落隻碟度。」