小肥歌詞細膩憶父崩潰

早前經歷喪父之痛的小肥錄新歌時憶起父子情即崩潰喪哭,重新振作的他直言現在學會珍惜,雖然出道後他因沒有太多愛情經歷而未有唱太多情歌,但他坦言不急於搵另一半,笑指兩袖清風感覺多好。

歌手小肥重投恩師Paco的懷抱後,早前推出於新公司的首張專輯,唱慣悲情歌的他當中不忘抒發對剛離世父親的父子情,他直言錄音當日看到歌詞即時崩潰,他說︰「我錄音同拍MV嗰時都崩潰係咁喊,呢啲係真感情,其實我同父親的感情相比同母親冇咁重,但失去後覺得好難過。」他謂經過這事後,學懂珍惜,他說︰「之前我會覺得好多嘢係必然,依家反而覺得好多嘢隨時都會無,所以學懂去珍惜。」

過往不少歌手均表示有經歷才能唱出感受,鮮有唱情歌的小肥笑言自己無愛情的經驗,故不會刻意唱情歌,他說︰「我冇呢啲咁轟烈的愛情經歷,難去想像,其實自己唔會刻意去唱。」他直言不急於搵女朋友︰「自己唔急,無渴望,反正依家忙到癲,而且我信緣分,屋企又冇呢方面嘅壓力,兩袖清風都幾好。」

病態工作狂

小肥笑言自己是病態工作狂,寧將時間放在工作,難怪他早前拍攝歌曲MV絕不錫身,他說︰「之前在無綫門外拍MV,當時好熱,但我要跪喺馬路度拍,兩個膝頭跪到又累又痛,真係有血有汗,但為咗拍好個MV,再辛苦都值得。」

文︰專案組

髮型︰Bowie Lo@Chin G

化妝︰Yen Lai

服裝︰MCS