任達華困棺材房 逼出好戲
任達華首執導演筒即衝出香港，其作品於紐約及釜山等地獲得不錯反應。華哥將自己比喻作「新人」，虛心接受各界批評，且自爆拍戲期間要困在棺材房，經常疑心生暗鬼，加上曾有恐怖的靈異經歷，令他一度有得震冇得瞓。
任達華執導的新片《迷離夜》，獲邀於「紐約亞洲電影節」及「釜山電影節」播放，有網民看過《迷離夜》後讚華哥「唔拍戲真係可以改行做導演」。面對群眾的寄望，華哥謙稱：「我哋呢啲初哥，只希望戲迷畀多啲意見、多啲鼓勵嘅啫。」
疑心生暗鬼
拍戲期間，華哥緊張到睡不着，經常在花園踱步構思鏡頭擺位，又到經常發生車禍的天樂里實地取景，為了開工及方便入戲，華哥又與小演員困在面積細小的棺材房內多天，他直言當時精神疲憊：「可以用五個字嚟形容，咪就係『疑心生暗鬼』囉。」
原來華哥早前到內地出席活動兼打高爾夫球，在酒店房遇到怪事，他說：「一大班人喺同一個環境、同一個角度影相，淨係得攝影師部相機影出嚟嘅相，有個『人頭』喺度，睇到好唔安樂。返咗香港後有日接到酒店打嚟嘅電話，話嗰間房已經搞番好，叫我隨時再上去打波，我問究竟咩事，原來佢哋搵咗個法師上去睇，知道有個『女仔』喺客廳度冇走到，即係話佢嗰幾晚陪住我瞓囉。」
硬幣論解釋
不過，對於靈異事件，華哥愛用「硬幣」作比喻：「有兩面，睇你點睇囉，人喺唔如意時會愈諗愈恐怖，相反亦然。」
文：影視組