衛誰雅升呢鑽石才女

Michelle在剛過去的書展化身「鑽石才女」，首度出書分享揀鑽石心得，曾從事珠寶業的她希望讀者閱讀後可以速成變為鑽石專家：「通常身邊人買鑽石都會打畀我，但我一直拍戲，唔可以分心幫人揀，就連細佬結婚都幫唔到，惟有用最簡單方法就係教佢點揀鑽石，但逐個講都唔係辦法，加上我又想出書，出本書幫到人又可以回憶從前賣鑽石嘅生活。」

出街提高警覺

Michelle除了教人揀鑽石，又會在書中分享珠寶業不為人知的一面：「例如做呢行要觸覺好敏銳，我哋成日畀人跟，因為要孭住幾百萬鑽石出街，隨時可能有人想打劫，試過喺北角覺得有人想跟我，發覺唔妥即刻跳上的士走人，隔幾日就聽到有個男仔行家喺嗰邊畀人打劫扑穿咗個頭。」

衛詩雅笑言以前經常袋住幾百萬鑽石出街。

衛詩雅出書教人點樣揀鑽石。

想有自家品牌

對鑽石瞭如指掌的Michelle，被問到將來若另一半用平價的鑽戒求婚可會識破他？她笑指自己重視心意多於物質：「哈哈，如果另一半求婚，我會注重佢嘅心意，可能係佢親手造嘅戒指。」Michelle又透露正在設計屬於自己的首飾：「鑽石我唔會放棄，我想keep住玩落去，而且我發現好多年輕人唔鍾意鑽石咁閃，反而覺得rough（未加工鑽石）幾特別，希望可以推出自己嘅品牌。」

文：音樂組

攝影：沈建程