徐濠縈爆陳奕迅瘦10磅
徐濠縈前晚出席品牌開幕活動時，表示剪綵完畢後就要趕往老公陳奕迅（Eason）的演唱會，她說：「要招呼朋友，晚晚都係，好多朋友臨時臨急話要嚟睇，我要畀埋自己個位出嚟。（Eason有無瘦到？）有呀，好耐無見過佢塊面嘅輪廓線條，我諗佢瘦咗應該有10磅，但最緊要健康，佢每次完騷都話要Keep，不過好快就反彈。（Eason星期六生日會點慶祝？）喺紅館慶祝，其實佢好想食拉麵，我哋晚晚揸車經過都見到好多人排隊，有諗過好唔好搵人排定隊，但係唔想騷擾到人。呢兩日有諗點可以畀佢食到。」
阿徐又透露女兒包包很心急想送生日卡給Eason，不過自己就仍未想到送甚麼給老公，她說：「佢咩都有，佢經理人又搶先送咗隻好名貴嘅手錶畀佢，可能我會送啲小心意啦。」 另外，製作人Dr Dre以及Beats的總裁兼首席營運總監Luke Wood於大前日齊到紅館捧Eason演唱會場。