祖兒雙腿夠索劉浩龍讚好

前晚容祖兒（Joey）穿上性感露腰短裙出席Giuseppe Zanotti Design旗艦店開幕活動，其他嘉賓還有熊黛林（Lynn）、徐濠縈、張燊悅、吳嘉龍及黃偉文等。大騷誘人纖腰和美腿的Joey十分搶鏡，談到買鞋，Joey說：「我有收藏鞋o架，我每次都話可以唔使再買，但每次都失敗。咩類型嘅鞋我都有，上台着高踭鞋，落台就着平底鞋，因為着高踭鞋膝頭會痛，所以着高踭鞋嘅Quota留番畀上台。」她指家中有數百對鞋。問到男友劉浩龍可有讚她腳靚？她望了望自己雙腳，然後甜笑說：「OK啦。」

指張致恒貪玩

提到祖兒日前性感上陣演出MV，她說拍攝前幾日唔敢食，有跑步收緊番肌肉線條。而被問到師弟張致恒（Steven）與o靚模孫旗的「一夜情」，Joey說：「呢個細路咩好同唔好我哋知，等社會去教佢。佢係比較頑皮同貪玩，但佢內心善良。佢依家大個咗喇，佢肯認都幾好吖。」

劉浩龍	Lynn表示自己經常被傳媒追蹤，因而嚇走晒追求者。	張燊悅表示自己身高不夠，故愛穿高踭鞋。

懶理城城戀情

同場的Lynn則以低胸裝示人，問她是否因有人追所以分外容光煥發？她說：「無喇，依家咩都無喇，嚇走晒，我講完幾日都有人跟，可能唔提好啲。（成事先講？）我諗咁樣會好啲。（怕唔怕追求者會畀人拎嚟同城城比較？）我諗埋嚟追我嘅要有好大勇氣同做好心理準備。」提到有傳舊愛郭富城與o靚模葉熙祺撻着，Lynn表示：「無乜感覺，始終已經唔關自己事，好多嘢已經過咗去。」

吳嘉龍覺得女性的腳趾很性感。

家中有數百對鞋的祖兒獲品牌送上靚鞋。

至於吳嘉龍則表示愛欣賞女士雙腳，覺得腳趾性感又有SM感覺：「女仔着高踭鞋好好睇，我唔鍾意女仔高過我，我冇戀足癖，不過我試過工作時影過Lisa S.對腳，佢話覺得我好變態。」

文：名人組