女子組合MVG成員Ivy（周曉彤）日前與一外籍型男到海灘暢泳，並上載合照到facebook，相中見穿三點式的Ivy與半裸型男在水中黐到實，似足情侶。網友們即大起底，發現該男士是法籍演員Sebastien，曾客串無綫劇《情越海岸線》等。
Ivy受訪時表示一向多外籍朋友，與Sebastien只是初次見面：「當日係一班朋友去。（佢攬住你？）角度問題啫。可能係我企唔穩，佢扶一扶我。（有發展可能？）佢好有風度，但應該唔會拍拖，我鍾意高過我同成熟啲嘅男士。」