王梓軒糖妹普通話鬥蝦碌
歌手王梓軒和糖妹（黃山怡）日前為電台拍攝《反斗普通話》節目，這是兩人首次用普通話主持節目，梓軒表示：「同糖妹第一次合作覺得好好玩，我喺節目度飾演好多角色，一時演rock友，一時又扮病人，糖妹就做『媽姐』同護士，覺得好有新鮮感同充滿挑戰性。」他又爆第一次以普通話講對白，現場鬧出不少笑話，譬如普通話的「血淋淋」和「剝蝦殼」等字句，糖妹每次都發錯音，令全場爆笑。
梓軒又指節目製作非常嚴謹，每場都有普通話老師在場用耳機監聽，問到最難的環節？梓軒謂：「好似睇雙語頻道咁，一段對白有粵語又有普通話，好翹口，有啲對白長達一分鐘，搞到NG咗成廿幾次。」
