志偉笑嘉樂 有餅印女
藝人曾志偉與錢嘉樂昨日在銅鑼灣出席奇華餅家活動，身為代言人的志偉現場送了一款包裝成竹筒形的月餅給嘉樂寓意他再添丁，嘉樂透露女兒四個月大，最近懂得轉身已經令他和老婆湯盈盈感動到想喊，嘉樂又表示考慮追個仔。
志偉取笑嘉樂女兒長得和老竇如同「餅印」，大個女去玩一定沒有危險，他說：「嘉樂個女咁似爸爸，出到去玩都唔會有危險，冇人要啦，仲有人送埋返嚟添，佢似足七小福大師兄吳明才。」嘉樂則說：「獎門人話係悲劇，我心目中就係喜劇，但係第一次見個女着三點式玩水，都以為錢嘉樂做乜扮女人，我就覺得似元彪、孟海，似邊個都冇所謂，大大吓靚女咪得囉。」