萬綺雯思念愛貓變喊包
藝人萬綺雯（蚊蚊）昨日在上環出席活動時，提到有報道指她在內地拍攝無綫劇集《食為奴》，劇組狂飛紙仔，令她沒有足夠時間揣摩角色而痛哭；又指劇組的飯盒被內地演員拎晒，香港演員冇啖好食，受盡委屈的蚊蚊回港後攬住老公陳十三喪喊。
蚊蚊昨日承認有飛紙仔問題：「演員之間可以事前溝通，有足夠時間討論，反而拍到啲自己鍾意嘅嘢。（有冇喊？）我唔會喊嘅，因為掛住老公先會眼紅紅。」
蚊蚊說當時有內地粉絲送了一本放滿她生活照的書給她，內有已去世的愛貓照，才令她感觸思貓而哭，她說：「講到冇飯食，全劇組只有我食素，但唔會怪工作人員初頭忘記為我準備。」