楊愛瑾 幫愛犬出書鬥「忌廉哥」
楊愛瑾（Miki）昨日到電台宣傳寫真集，她表示雖然書展已結束，但仍十分緊張銷量，對於明星貓王「忌廉哥」的銷量成功撼低一眾女星寫真，Miki笑言已為愛犬鋪路出書：「動物好難鬥，下年想幫隻狗出番本，我成日都幫狗仔扮靚。（抵輸畀忌廉哥？）唔可以話輸唔輸，我當贏咗自己。」
提到早前在書展碰面的傅穎被指再整容？Miki說：「我都覺得佢靚咗，但應該冇咩『大郁動』，就算佢畀我摸，我都唔識分呢啲嘢。」她自爆不滿意自己膚色黑，問是否男友投訴？她說：「唔係，我依家黑到自己都頂唔順，我驚痛唔會打美容針，不過想試吓食美白丸。」