陳靜佔韓狂迷死跟

陳靜（DaDa）上周四飛到韓國出席當地影壇盛事《第17屆富川國際奇幻電影節》，並於前晚返港，對於自己有份演的電影《重口味》獲選為開幕電影之一，首映時更座無虛席，DaDa心情high爆表示：「我雖然唔係成日去韓國，但估唔到自己喺當地原來都有咁多fans，見到佢哋嚟撐場真係好開心！」

增磅兼升Cup

DaDa身在韓國，仍大受歡迎，更有瘋狂粉絲貼身追蹤，搞笑的是，DaDa的心情竟是開心多過擔心，她謂：「我參加完電影節就喺韓國留咗幾日，點知遇到有fans全程跟住我，完全冇諗過有人會識我（有冇嚇親？）冇，佢哋都係遠距離影吓相，同埋都nice嘅。」DaDa又直言已與韓國導演見面，並表示希望有合作機會。

陳靜把握機會在韓國購物。

陳靜演的《重口味》獲選為開幕電影。

去到韓國，DaDa當然狂擦美食，令體重急升六磅，她笑言：「攞完金像獎就放鬆咗，胃口又大咗，去到韓國日日食足五餐，搞到肥咗六磅，連上圍都升咗Cup！不過依家都係時候keep fit，因為下個月就要開拍《喜愛夜蒲3》喇。」

掃美食益姊妹

嘗盡美食的DaDa，未有遺忘在港的好姊妹，更掃了不少美食給她們，DaDa一落機就約了好友何佩瑜（Jeana）及同門師妹Bella等聚會，一同分享戰利品，之後DaDa更將聚會的相片上載到instagram。

文：專案組