「Cool魔」張智霖在《衝Ⅱ》的花花公子形象迷倒不少女生，引得朱璇、劉俐和梁政珏主動挑逗，但Cool魔不為所動。本周亮點的一場床戲是「咪神」梁政珏以拋胸誘人睡衣上陣，都未能引得半裸的Cool魔「埋牙」，原因是Cool魔當面對女生就會想起生他氣的妹妹Summer（胡杏兒），不期然抑鬱起來。監製歐冠英解釋這場床戲，Chilam與梁政珏是冇咀冇攬，純粹是Chilam的一場內心戲：「因為佢背棄咗妹妹，喺年少時冇咗父母而去投空軍，未有好好照顧妹妹而被怨憤，兄妹重遇希望修補關係，在未能和好期間總心存陰影。」