子珊認輸 拒出寫真
徐子珊昨日以紅色低胸裙出席綠色耕種活動，現場獲大批粉絲撐場。子珊透露前日粉絲剛為她慶生：「收到好多禮物，有個好聽話，將買禮物嘅錢捐咗去慈善機構。大家玩得好開心，有天才表演，勝出嘅粉絲會得到一份好特別嘅禮物，就係佢生日嘅時候我會親自送個蛋糕畀佢。」
談到日前《好報》拍得子珊拍攝劇集《My盛Lady》時不滿王君馨姣黐黃子華，她只稱大家相處無問題。另外，問她有否留意o靚模寫真？她即說：「冇，唔係（畀）我睇。（有關報道呢？）有睇過少少，好在我唔係o靚模。（唔夠爭？）唔使諗，我冇身材，我搞唔掂。（有冇諗過出寫真？）冇，唔好嚇親人。」