陳煒炎夏試水透心涼
身形fit爆的陳煒在炎夏初行下水禮，為纖體廣告演出，令體重翻倍的陳嘉佳（細細粒）羨慕不已，二人對穿ac泳衣各有立場，前者除工作外無意騷身材，反之後者卻因體形關係莫說着泳衣，連拍拖都唔敢諗！
以fit爆身材取代苟芸慧任「雪纖瘦」纖體代言人的陳煒，日前與陳嘉佳（細細粒）為代言拍電視廣告，廣告中細細粒扮演一名女生因肥而未能享受在男友欣賞目光下穿泳衣游泳，fit爆的煒哥則以三點式泳衣上陣，向細細粒推介纖瘦其實不難。
為配合演出，煒哥在今個炎夏初行下水禮，在水上作背泳拍攝之餘更來個出水芙蓉，三點式造型索爆！難為240磅的細細粒，熱到溶也只能在池邊踢踢水，她說：「我咁肥，冇諗過着泳衣，連拍拖都冇諗過！（老外唔介意你size？）我唔鍾意外國人，除非有心儀對象出現先有動力減肥，暫時都係工作先，因為肥已經成為我嘅標誌，賺到唔少工作。」
豬籠入水狂接job
煒哥自復出以來工作不斷，賀年節目又大跳蛇舞，如今應老闆要求作背泳拍廣告，可謂入水能游、出水能跳，有見她無論拍劇或廣告也多次以泳衣上陣，毫不吝嗇身材，大可與時下o靚模鬥一番，出泳裝純影集！不過，煒哥卻沒這個「鬥心」：「出泳裝影集我又唔會，冇主題嘛……但為工作有原因就話啫，我平時游水只係一件頭，出飲食書就好有idea！」雖然煒哥無意加入寫真女行列，但她自簽新經理人公司後已成功接拍5個廣告，豬籠入水，煒哥笑說：「錢都係其次，時代女性要有工作充實人生，唔係好易out，我老公都絕對支持！」
文、攝：影視組