許冠文讚祖藍萬能笑匠
笑匠許冠文、王祖藍、王菀之（Ivana）等昨日為新片《Delete愛人》試造型，自1997年拍完《寶貝計劃》後許冠文已多年沒有拍戲，自嘲幾乎忘記演戲是甚麼一回事，幸而獲電影公司優待豁免拍通宵戲。許冠文表示喜歡新一代笑匠祖藍，他說：「佢係幾萬能，又受過正統訓練，只差一部hit作品。（其他演員呢？）好多都唔識。」
祖藍與Ivana繼在電視劇演情侶，今次伸延至大銀幕，問到有否親吻戲，祖藍笑指劇本未有詳細交代，揚言頗為期待：「電視冇咀到，留番電影先咀因為要畀錢。（許冠文讚你喎！）佢啲戲陪我成長，到今日有機會合作，好想有機會一齊傾劇本學吓嘢。」近日熱播的《衝上雲霄Ⅱ》，祖藍也有捧場，並大讚經典對白吸引：「好鍾意嗰句『我靚仔但唔係蠢』，但如果我講實畀人打。」
