阿嬌傷胸脊拍劇頂硬上
鍾欣桐（阿嬌）之前到台灣錄影節目受傷，導致胸及脊骨全「歪」兼有筋膜炎，正接受推骨及超聲波治療，阿嬌雖然周身傷，但為了新劇仍會「頂硬上」不會刪減動作戲。
阿嬌昨日為新碟《桐花》舉行簽唱會，嬌媽帶同親友來為阿嬌撐場，但嬌媽刻意避傳媒走到商場樓上，高處為愛女打氣，而兩名小表姪兄妹則親自來支持「嬌表姨」。阿嬌坦言很少機會見面，表姪女更是第一次見。
推胸骨無助升cup
提到日前阿嬌將滿布紅印的背部相放上微博，令人擔心她的傷患？阿嬌表示今次是舊患加新傷，因之前在台灣出席電視節目，錄影前她試玩遊戲時，不慎頭先着地而壓傷脊骨，日前便在北京見醫師，醫師直指其脊骨及胸骨歪晒。莫非失戀自殘？阿嬌笑言：「唔係啦，係出碟我太拚命啦。」
阿嬌自言周身傷患，現醫師以超聲波和推壓方法，為她將歪骨移正及紓緩脹痛。問到推胸骨時可會有助「升cup」？阿嬌笑言：「冇呀，佢係壓番我啲骨，我好忍得痛都頂唔住。（要返北京覆診？）我即將到橫店拍戲，會盡量抽時間。（會唔會要求減少動作鏡頭？）劇情需要都好難避免！」
羨慕JJ有膽示愛
另提到早前林俊傑（JJ）在台灣舉行個唱，阿嬌亦有捧場，對JJ向Hebe示愛，阿嬌稱多得Jolin（蔡依林）給予膽量，覺得JJ的示愛搞笑又sweet。羨慕被人示愛？阿嬌說：「有都無妨呀，都係一個好經歷。」
文：音樂組