何韻詩訂同志書 基密外洩
去年11月公開同性戀身份的何韻詩，昨日宣傳新書時，坦言剛出櫃時壓力爆煲，更自爆年輕時曾秘密購買有關同志的書籍，但到今時今日才知道秘密穿崩，父母早就意識到她的同志身份，而阿詩更不避嫌，主動和同場舉行簽名會的前緋聞女友傅穎合照。
同志歌手黃耀明和何韻詩昨日與趙式芝現身書展，為宣揚同性戀平權的新書《大愛同誌》舉行座談和簽名會，阿詩父母亦有到場支持。阿詩自爆看過父母在新書寫的序，才驚覺他們早在移民加拿大期間，已察覺到阿詩可能是同志：「細個喺加拿大郵寄買同志有關嘅書，以為自己收得好密，點知仲有單張寄嚟，隱約記得爸爸媽媽真係有問過。」身旁的明哥笑問是否鹹書？阿詩笑說：「嗰時女仔唔睇呢啲嘅。」
邀兩影帝助陣
座談會上阿詩又提到剛剛出櫃時壓力很大：「有個責任感喺度，諗住行前咗幫呢班人發聲，但怕自己一做錯事，就會被入晒數。反而對娛樂新聞唔係好慣，以前訪問要拐個彎答，依家就可以坦蕩蕩。」至於明哥透露將會有另一次特別版海報的發布會，預告有另外兩位亞洲級的影帝影后參與拍攝。
此外，阿詩前緋聞女友傅穎（Theresa）正在舉行新書簽名會，據知Theresa早就知道阿詩會在同場開簽名會，已預先透過阿詩經理人把連簽名的新書贈阿詩，當阿詩簽完名後，更專誠向仍在簽名的Theresa打招呼，二人大方合照。
文：音樂組