樂基兒賣珠寶泳衣冇覺好瞓
名模樂基兒（Gaile）自與天王黎明離婚後已開始新生活，現時長居峇里島的她，除了偶爾回港做模特兒工作外，原來她亦悄悄開展人生另一個重要旅程，就是推出自家珠寶及泳衣品牌。
作為模特兒，Gaile對時尚觸覺甚為敏銳，加上她本身修讀art，故設計工作絕對難不倒她，反而生產方面就碰到困難，她說：「我要去工場睇生產，又要買物料，有時啲物料買咗返嚟唔啱又要再買過，之前我返咗美國探家人，喺美國都要同峇里嘅人聯絡，返到嚟香港又要同美國嘅人聯絡，時差關係令我冇得瞓，壓力好大！」
Gaile自言對首個自家珠寶品牌十分期待：「年紀開始大，model工作都要試吓轉型，珠寶品牌預計呢一兩個月可以有得賣，泳衣就要明年初，因為我兼顧唔到兩樣嘢，希望每樣嘢都做到最好！」