樂瞳著肚兜賀高收
面對重頭劇《衝上雲霄II》來勢洶洶，同日首播的另一劇《師父．明白了》絕不認輸，黃浩然、黃翠如、樂瞳及楊明等一眾《師》劇主角，日前與監製陳耀全及幕後相約飯局收看第一集，眾人大讚劇本好及有教育意義，對收視沒有壓力。
鍾意吳鎮宇
飾演打女的樂瞳身穿工人褲、一身男仔打扮到場，原來內有乾坤穿上紅Bra，她笑認迷信希望可催旺收視，問到有否向親友拉票？她說：「有呀！呢排不停喺微博叫大家睇，希望觀眾兩線劇都睇晒，我都鍾意《衝II》嘅吳鎮宇同吳卓羲嘅角色。（收視好着泳衣？）古裝劇不如着肚兜，但我冇嘢睇喎！性感留番畀同劇嘅許亦妮同梁麗瑩啦！」
黃翠如素顏
而首次擔正的翠如素顏到場一樣Sharp醒勁甜，她表示心情緊張得如考生放榜，希望大家認同其演技，問到是否肯着肚兜？她笑言內裏會穿樽領衫，又推樂瞳上戰場，爆她是「有料之人」。浩然則說：「我着咩都冇所謂！（騷肌？）隨時Ready！」
對於今次單人力敵《衝II》眾型仔機師，浩然認為大家賣點不同，狂讚《師》劇戲味濃，不怕沉重劇情趕客：「劇入面有好多精句，叫大家唔好太執着，有好多人生道理，相信大家會受啟發。」
文：影視組