《衝上雲霄II》收視繼續高企，第二集平均收視33點，最高34點。而張智霖劇中「Cool魔」一角亦引來全城熱話。另網上流傳笑話指有人問監製誰唱《衝上雲霄II》主題曲好，監製想主角唱番，就以Whatsapp留言Cheung Chi Lam（張智霖），但有人將次序倒轉，變咗Lam Chi Cheung（林子祥），而監製陳維冠坦言覺得好好笑，最初以為是Chilam開的玩笑。
而前晚一集，網民亦指Chilam不斷爆金句：「我雖然靚仔，但唔係傻！」身在外地的Chilam接受長途電話訪問時笑言：「吓！嗰啲都叫金句？都係多謝啲編劇，我都係跟劇本講。」而吳卓羲亦提到多次「自私妹、港女、膚淺、拜金女」，接受電話訪問的他無奈指跟隨劇本意思，未有貶低港女之意！
另吳鎮宇、樊少皇昨日於北京出席新片《獵仇者》記招，大玩新意思，先由樊少皇與四位性感辣妹出場，之後持道具槍的鎮宇現身，開數槍後辣妹即四散，頗有心思。