藝人朱茵首次推出散文，分享一家三口的溫馨事，而8個月大的愛女黃鶯（叉燒包）升格為「最young(o靚)模」，大賣萌樣及至pure露點照，成重口味寫真潮中的一道清泉；朱茵自言執筆辛苦，但過程享受，多得老公黃貫中（Paul）的協助，這本視為「送畀囡囡的情書」才成功面世。
朱茵今日在書展推出的首本散文集《6磅10安士》，可謂其一家三口的溫馨之作，由朱茵親自撰文剖白懷孕至產後期間的心路歷程，分享和Paul由二人世界變三人行的趣事外，還有大部分由Paul拍攝的愛女寫真相。昨日朱茵在電話中被問到出書原因？她說：「人愈大愈易忘記嘢，所以將同囡囡珍惜每一刻記低，將來再同個女講番，呢本係我送畀個女嘅情書。」
朱茵自言當初經理人問她可有興趣出散文時，曾擔心未能勝任，幸而其後愈寫愈順，得Paul的寶貴意見下，終於在個幾月完成近3萬字的作品，不過到揀相時又令她相當頭痛：「老公日影夜又影，有成過萬張囡囡相，張張都得意唔知點取捨，（有冇囡囡出浴相？）有o架，不過太私人唔公開，（會幫囡囡再推出寫真集？）呢本都算係。」至於可會再出新作就要視乎反應。
她在書中提及Paul的烏龍事：「我入院生時，Paul將銀包塞入雪櫃，因為佢太緊張，將雪櫃當咗保險箱。」朱茵將於本周六到書展舉行見面會，但怕人多關係，暫不能帶囡囡跟fans見面。
文：音樂組