江欣燕：冇男人靠自己

藝人江欣燕、葉蘊儀、李若彤、李麗珍、袁潔瑩、陳慧珊、張慧儀、苗金鳳等昨日在將軍澳電視城，出席由曾志偉有份監製的新劇《Aerobic Girls舞室保衛戰》的開鏡拜神，最近剛與老公吳積遜（Jackson）離婚的欣欣繼續成為焦點。

協議唔講咁多

欣欣在講述劇中角色沒有伴侶的時候，似乎有感而發的說：「冇男人唔緊要，我哋靠自己。」全程強顏歡笑的她，受訪時講到離婚一事，忍不住眼泛淚光：「做咗咁耐人，識得控制自己，我哋兩個人之間嘅事，冇嘢發表，依家要活在當下！（有報道話Jackson異性緣旺和財政有問題？）隨便大家點講，兩個人相處咁長時間，發覺真係性格不合。（有導火線？）冇特別原因！整體嚟講係好事，希望各人都搵到滿足嘅生活。（有協議書？）唔解釋咁多，愈講愈複雜，只係我哋兩個嘅協議。」

在新劇中孭重飛的七位女藝人，感情上都有一番起落！ （後排左起）葉蘊儀、袁潔瑩、李若彤、李麗珍、陳慧珊 （前排左起）江欣燕、張慧儀	糖妹（左）演少年版葉蘊儀甚為適合。	陳慧珊、吳啟華再度合作。

李若彤控情緒

而早前坦承患上情緒病的李若彤，表示已停藥年幾，現努力調節自己情緒：「要同最唔好嘅時候比較，咁就會好啲！（拍劇壓力大？）一定冇之前咁大。」

至於一復出即成為追訪對象的葉蘊儀，表示冇所謂，最緊要做好自己。同樣久未拍劇的資深演員苗金鳳，說初時冇興趣接拍，後被監製打動和故事吸引才決定接拍。

文：影視組