Eason聲沙咳歌 全場合唱解圍
陳奕迅（Eason）前晚紅館演唱會踏入第九場，今次他老貓燒鬚，開場不久自爆想「開大」。當他唱《夕陽無限好》更慘變「咳」歌，要全場觀眾幫手合唱解圍。
Eason演唱會前晚已唱至第九晚，期間他已曾因食滯及膝頭舊患要求醫，前晚則輪到喉嚨唔聽話。經過連續多晚的演唱，Eason甫開場說話時聲音明顯有點沙聲，雖然演繹歌曲時未有影響演出，但要求高的Eason似乎不太滿意自己表現，還搞笑地自爆：「我好想去廁所，仲係坐喺度嗰種。」偶像突然急屎，台下觀眾紛紛大呼「去廁所啦」，但Eason最後採取忍字訣繼續演唱。
希望觀眾原諒
當Eason唱《夕陽無限好》又遇上小插曲，唱至一半忽然連咳幾聲，他即走到台邊飲水止咳，因音樂未有停下，全場觀眾即來個大合唱。當Eason行回台中間，歌迷更報以強勁歡呼聲，令原本心情受影響的Eason笑番。對於不慎失準，他希望觀眾原諒。Eason完成前晚演出後，昨晚是休息日，正好讓他好好養足精神，應付接餘下十六場演出。
百忙抽控拍MV
另外，忙於個唱的Eason不忘為新歌《主旋律》拍MV，MV以全白色為主，他以陰沉神祕的未來指揮家造型出現，將女主角由一變五，再由五變十，十變百幾何級數倍增，畫面非常震撼。
文：音樂組