歌手胡渭康前晚為好友Derek爸爸黃亮的九十歲壽宴擔任主持，唱片公司老闆林建名、薛嘉麟等人亦有份到場祝賀，薛嘉麟更送上金牌。胡渭康表示正為新歌錄音︰「曲詞都係外國人寫，歌詞係一種外語，但唔開古住。（香港唔係目標市場？）全球一體化，唔會再局限一個地方，而且我成日去外地登台，可以多首外語歌唱。」
早前其公司掀起「離巢」風，趙碩之、鍾一憲等人相繼解約，胡渭康出言撐公司︰「有聚有散好正常。（佢哋投訴公司資源不足？）呢啲唔係單方面付出，你要求公司畀咩你，都要問自己付出咗咩。我好滿意公司畀我嘅資源，由我加入到依家，我想見到嘅嘢都出現咗。」
