連詩雅聞曲赤即轉話題
連詩雅（Shiga）昨出席「社區參與廣播服務（CIBS）節目巡禮」時，被問到舊愛、Rap友曲赤與太太掀罵戰，Shiga以「冇聯絡好耐」拒評曲赤家事，並轉話題說她的攝影集反應佳會加印，但未知數量，亦想出碟時再推出同類書籍。
農夫成員陸永的太太曾與曲赤傳緋聞，陸永昨在另一場合，被問到曲赤的事，他說：「有冇鬧我先？人哋家事唔回應啦，（佢哋喺網上互罵。）或者人哋想用呢啲方式去發表想講嘅嘢。」陸永說曾在街上遇見曲赤，曲赤為之前的事道歉，已原諒曲赤的陸永說：「畀機會佢做番好人啦，只知佢有情緒困擾。」曲赤昨繼續和太太在網上就女兒的生活費問題開火，曲赤的經理人說雙方已解約，從曲赤口中得知其妻不想他從事娛樂圈工作。