洪金寶三代同堂醫肚

洪金寶前日三代同堂到大埔一間食肆醫肚，席上除了太太高麗虹外，兒子洪天明亦帶同老婆周家蔚和其五個月大的囝囝洪大仁現身。天明透露，當日剛帶完囝囝到上水的馬會泳池游水，之後再約於該區居住的爸爸食飯，可讓他弄孫為樂，天明謂：「我哋成日都去嗰度食嘢，阿爸又喺附近住，囝囝入嚟游水，咪帶去畀爺爺見吓，（爺爺好掛住孫仔？）係o架，我平日開工就冇辦法，但一星期起碼見兩、三次o架。」