陳豪擺酒似皇帝
正如本報報道，陳豪與陳茵媺（Aimee）鐵定本月17日假加拿大補擺喜宴，但圈中人未在邀請之列，陳豪計劃返港後才約好友食飯。他今午將起程往加國，昨午則到荃新天地出席活動。陳豪昨自誇幸福滿瀉，談到會有傳媒採訪喜宴，他說：「預咗，不過私人事想低調啲。（老婆着婚紗？有斟茶儀式？）唔知、唔方便講，以擺酒為主，有啲儀式都會做。」
陳豪說不會在加國久留，問Aimee於何地生B？他謂：「未決定，等佢遲啲返嚟先啦，仲有時間。（BB性別？）未知。（諗改名？）有好多嘢要諗就真。（陪入產房？）盡量。（下半年減少工作？）想兩方面平衡到。」問到Aimee狀況，陳豪說她各方面也好，記者問Aimee會否懷雙胞胎？他搞笑答：「等朕check check先。」
