Dominic賣股招標糖妹冇眼睇

糖妹前男友何浩文（Dominic）今年寫真勁騷8吋「無底線」，露股硬撼一眾o靚模包括Diva、趙詠瑤、冬甩等的事業線，單計長度先贏一倍。剛歷情傷的他在寫真中登堂入浴室，為肌味十足的寫真盡地一煲，全裸、S形、拗腰回眸，雙股盡露的他面露慌張神色，想憑「無底線」攻勢，攻陷一眾充滿少女情懷的讀者。

挑戰梁朝偉

據知今次Dominic原想挑戰電影《色，戒》尺度，望與影帝梁朝偉肉搏湯唯一幕鬥「股」惑，為日後發展鋪路。對於接拍三級片，Dominic未感抗拒：「唔排除拍啲更激嘅電影，依家都有人斟。」至於自己的「蕉股價」，他稱在商言商由市場決定：「未定，但會公開招標，最重要係價錢吸引。」他又透露一開始時，有想過影正面全裸照，但因自覺屁股更性感而決定留前鬥後，為了表現雙股最好一面，他之前特意按摩美股，更坦言有想過效法女模為胸部買保險一樣，為自己的兩團肉投保：「都想幫屁股買七位數嘅保險。」但當一問及糖妹時，他卻表示不想再諗，一切工作為先。

放大圖片	失戀的糖妹心情未有異樣，與王若琪一起出席活動。

雖然Dominic對自己的屁股充滿信心，但舊愛糖妹卻似乎未有眼福，自言未有睇過對方的「無底線」，她昨晚透過唱片公司回應：「冇見過，我哋啱啱拍拖就已經好忙，冇咩時間見面。」而昨日是糖妹自公開分訊後首度出席活動，有關Dominic的問題十問九唔回應，自言一直很忙，工作為先，問到與對方再見是否朋友？她說：「嘩！呢個問題，都係唔回應。（嬲咗佢？）我唔知呀！」她又指現在的男友是「工作」，再問到會否再搵圈中人拍拖時，她表示：「嘩！咁遠嘅事，但我相信10年後結到婚。」

趙勁皓練股

另外，今年亦會推出騷肌寫真的「爆肌曉明」顧又銘（Gym）及周秀娜師弟趙勁皓（King），面對對手Dominic的露股寫真，Gym雖肌爆卻「股」惑不足，但他自覺自己的雙股更性感，並說：「其實Dominic可以影得再性感啲！」而有兩條人魚線的King，面對一條「無底線」的Dominic，他表示：「都睇到人哋股勁，睇嚟都要練吓股。」笑言要開拓美股市場。

文：專案組