黃伊汶心未定唔思嫁
近年榮升為女強人的前歌手黃伊汶，昨日為有份投資的婚紗公司行騷，她表示投資了六位數。問她突然投資婚紗公司，是否好事近？她說：「唔關事，係隨緣啦，心未係咁定，我係隨feel嘅人。」對於舊愛余文樂與吳雨霏分手，黃伊汶表示：「佢哋嘅嘢唔方便回應，各有各生活，希望佢生活愉快。」她又說現沒有跟樂仔聯絡。
同樣擔任模特兒的楊愛瑾（Miki）表示首次行婚紗騷：「之前着過好多次婚紗，好鍾意白色同喱士，所以每次着都影好多相。（男友有冇求婚？）唔好呀！太早嘅事，過多幾年先。（大家有冇共識？）冇，我認為男仔應該主動（求婚），女人講好似逼婚咁！」轉型行性感拍寫真的Miki，表示男友冇詐型，反而大讚影得靚。