霍震霆睇古籍改孫名
霍震霆、名媛王幼倫（Michelle）、著名鋼琴家郎朗等昨日出席慈善活動。當記者向霍震霆提到媳婦郭晶晶已腹大便便，他終於開腔認首度做爺爺心情緊張，繼笑笑口說：「得閒要睇吓古書，睇吓改咩名。你知啦，我好緊張，第一次做爺爺。（啟剛心情點？）佢哋去咗泰國紓緩心情，返嚟就籌備。（鍾意仔定女？）依家現代社會，男女都冇所謂。」提到有傳晶晶及啟剛搬家，問他會否希望跟兒媳一起居住？他回應：「仔大仔世界，冇乜所謂，得閒就出嚟飲茶。」而問到待BB出世後會否辦百日宴？他邊笑邊搖搖頭便轉身離開。
而戴上親自設計首飾的Michelle，對於是次請來陳奕迅與多位藝術家如郎朗、古典結他演奏家楊雪霏等合作，她感到非常難得：「郎朗特登由歐洲飛返香港，留24個鐘就再飛去巴黎。」
