鎮宇亂過馬路險被車撞

已多年沒有拍劇的吳鎮宇，去年回歸無綫再接拍《衝上雲霄II》，劇中跟張智霖及陳法拉譜微妙三角戀，《衝》劇將於明天播出，最近鎮宇亦忙着四出宣傳新劇，日前他撇下妻兒特地前往到中環置裝。

叉腰不耐煩

當日下午6時許，戴着草帽、身穿紫色風褸、牛仔褲、孭着背囊的鎮宇，在該處商場購物後，未知是否唔夠瞓，臨走前再到附近咖啡店買杯咖啡提提神。手持戰利品及咖啡的他，行至皇后大道中想過對面馬路取車，雖然前行約100米便有紅綠燈，但鎮宇竟貪方便，未有遵守交通規則，就隨便從行人路舉步過馬路。

終於冇車，起步。

的士突然殺到，嚇得鎮宇急急煞步。

原本鎮宇諗住等冇車先行，但等了很久依然車來車往，見他一臉不耐煩兼叉晒腰，其後鎮宇成功過了一半，但突然有一輛的士駛至，嚇得他急急收步，在馬路中心煞停，險象環生，幾經波折鎮宇才安全到對面酒店取車走人。

杏兒玩謙仔

另外，有份參演《衝》劇的胡杏兒，昨日與羅仲謙為女性衞生用品活動擔任嘉賓，杏兒不時拿謙仔與楊怡的緋聞開玩笑，謙仔於活動上要幫杏兒按摩太陽穴，杏兒笑言要向楊怡備案。問到有否叫謙仔介紹男仔？她說：「如果好似謙仔咁大隻，我都要操fit啲！」