李彩華溝通清楚免尷尬
昨日與老友黎淑賢同場的陳煒，稱不知道對方與羅霖反目，現場亦沒有與羅霖碰面：「我只係知道羅霖會到，但我哋分開咗做訪問，所以冇見到佢兩個發生咩事。（傳佢離婚？）希望唔係啦！其實兩公婆嘅嘢，床頭打交床尾和，當然希望佢哋冇事。」
至於曾與羅霖因經理人合約問題而鬧不快的李彩華，正身在內地拍內衣廣告，對於羅霖踢爆黎淑賢正辦理離婚，李彩華接受長途電話訪問時說：「回答有關人哋嘅問題，最好係雙方溝通清楚，唔好令到件事愈講愈亂，唔好令到當事人尷尬。」問到羅霖的為人？她續說：「其實我係經朋友介紹先識佢，識咗好短時間，唔係好了解佢。只係當日我覺得佢唔適合做我經理人，所以最終冇簽合約。」另外，曾與羅霖傳出不和的黎燕珊則表示：「人哋嘅事我唔評論，總之兩個都係好人，兩個都係我好朋友。」