楊愛瑾精彩愛過 追求平淡
今年殺入書展出相集的楊愛瑾（Miki），除大晒多款靚相冧粉絲外，更寫下入行十年的轉變，當中分享感情世界的她直言想再出愛情書，更自嘲愛情經歷已非常精彩，故厭棄轟烈的愛情而追求平淡。
歌手楊愛瑾為紀念入行10周年，今年加入出書行列，推出相集及散文撼一班胸模。提到書中的靚相，她直言因路線不同，不擔心與胸模比較，又指書中20個造型是sell入行的轉變，她說︰「會有啲性感相，都係市場需求，質素自己都好滿意，相信讀者都會鍾意。」首次出書的她表示不覺得有壓力︰「其實真係冇乜，出書唔係諗住賺錢，唔一定要大賣，只係想做好一件事。」
至於這本處女作，她直言曾向出過書的前組合Cookies成員兼好友鄧麗欣問意見，又指會把這本書送給Cookies的一班好姊妹，她說︰「我會送畀佢哋睇，叫佢哋畀吓意見，因為佢哋都有幫我寫序。」
下次出書講愛情
Miki透露今次書中寫的轉變，除了工作的心態變得更成熟外，就是其感情世界，不過她直言寫的不太多，故希望日後再出一本專講感情書，她說︰「其實之前有諗過，寫自己嘅故事，又會寫朋友嘅故事，但都唔會喺呢本書，因為始終成本書寫嘅字唔算多，所以都係留番下次。」對於是否要再在情路上經歷更多才出愛情書，她笑說︰「我喺愛情路上已經好多波折，太精彩了，好多人鍾意轟烈，但我要平淡。」
文︰專案組
攝影︰司徒國榮
服裝︰Vivaladiva
髮型︰Linfa @IL Colpo