LuLu半裸濕身 龍友進擊

為迎接寫真之戰，王璐瑤透露早前已飛往泰國為寫真取景，並大玩濕身誘惑，更半裸出擊。LuLu說：「幾星期前去咗泰國華欣為寫真影相，總共影咗四日三夜，主題都係靚人靚景，有啲喺酒店入面淋到濕晒身嘅鏡頭，想帶出透視同靚嘅效果。同埋今次會有半裸相，拍嗰陣做足防走光措施，角度亦健康，但對我嚟講都算性感。」

唔怕貨比貨

面對即將爆發的寫真之戰，以半裸出擊的LuLu坦言無懼其他o靚模：「大家嘅性感程度可能唔同，但各有各性感，不過出得寫真就要有信心，希望多啲人支持我。」

LuLu早前到泰國為寫真取景，當中不乏半裸及濕身鏡頭。

面對即將爆發的寫真戰，LuLu坦言未驚過。

講到拍攝時的趣事，LuLu自爆被外籍龍友圍住影，她說：「嗰陣我着住比堅尼，可能個look比較性感，咁啱當地又有好多外國遊客，所以佢哋見到我就圍住我影相，搞到一時間好似有勁多攝影師咁，唔知望邊個鏡頭好。」

男士攞電話

被圍影的LuLu笑言算是先贏一仗，她還透露拍攝的數日內有不少男士問她取電話號碼：「有啲男士問我可唔可以影合照，又叫我畀facebook同電話佢哋，影合照同畀facebook都冇問題，不過電話係好私人嘅嘢，所以我拒絕咗。」

文：專案組

攝：吳文聰

服飾：Kissin