Crystal情迷大同 怕醜轉軚
女子組合HotCha成員張紋嘉（Crystal）將於書展推出愛情小說，日前她與拍檔黎美言（Winki）接受《娛樂onShow》專訪時，大談心中理想對象，Crystal自爆本來情迷方大同，但後來消息傳到大同耳邊，令她大感尷尬，惟有轉冧大隻仔彭于晏！
每年書展都吸引不少藝人出書，已推出過兩本書的HotCha成員Crystal，今年再度加入戰團推出愛情小說《聽瘋說的女孩》，日前Crystal與好姊妹Winki一起接受俞詠文主持的Ontv《娛樂onShow》專訪，大談女生心事！
Winki愛人夫
早前HotCha上《勁歌金曲》節目，自爆在圈中有意中人，Winki表示一直喜歡已為人夫的黃浩然，至於曾表示喜歡方大同的Crystal，當日卻改口風轉冧彭于晏，她尷尬地解釋說：「我唔可以再講我鍾意方大同，要講一啲冇乜機會見到嘅人，咪講彭于晏，佢都幾可愛！（點解講大同會尷尬？）佢已經知呢件事，有時做嘢見到面，佢會主動走過嚟打招呼，真係好尷尬，所以以後唔好再講，收喺心入面就算，（鍾意佢乜？）佢瘦，又好有才華，講嘢又幽默。」而Winki則不擔心公然向浩然示愛，她說：「佢係夢中情人啫，又唔係真！」
拍拖用情深
當二人被俞詠文問到現實中愛情路上的際遇，二人笑言有點坎坷，Crystal直言每次拍拖都很投入，但正因如此往往傷害至深，她說：「Winki比我樂觀，佢有時都勸我唔好咁投入，（為仔死為仔亡？）我會將對方放到好大，例如生活上我會好遷就佢，日子耐咗就會好多問題，因為佢會覺得係理所當然。」
身旁的Winki說：「有時同佢傾偈，佢會將自己諗得好唔開心，但件事可能唔係咁嚴重，但佢成日好唔開心，令到身邊嘅人都好擔心。」
文：專案組