丘凱敏奇妝講扮靚
平日正經八百的靚女主持人丘凱敏（Anna），早前化上浮誇艷妝為新書拍寫真照，更笑言怕大家見到其艷妝後會作嘔。去年Anna與星級形象指導郭慶彬（Ricky Kwok）攜手合作推出扮靚天書後，今年二人再接再厲，更邀請著名化妝師Annie G.加盟，Anna表示：「今年我哋嘅新書《女皇駕到2》會有15個章節，係以不同顏色做主題，本來Annie想幫我化15個前衞艷妝嚟拍寫真，但怕大家對得我太多會作嘔，所以最後搵埋黃婉曼、鄧伊玲（阿旦）等嘅now主持人幫我做模特兒。」
除了化上艷妝，Anna更女扮男裝，她說：「我哋其中一個章節嘅主題係『男』，所以我就以中性打扮示人，喺書中我會教大家點樣護膚，Ricky就教大家點樣配襯中性打扮嘅衫褲。最特別係Annie會教男仔點樣化妝之餘，又唔會變得乸型。」
